Ferðatilhögun verður í stórum dráttum þessi:

Föstudagur 16. september
Lagt af stað kl. 15:00, ekin hefðbundin leið í Borgarfjörð og kvöldverður snæddur í Ensku húsunum við Langá á Mýrum. Komið í náttstað í Gistiheimilinu Kasti gegnt Lýsuhóli um kl. 22:00.
Laugardagur 17. september
Eftir morgunmat verður ekið suður um nesið og í þjóðgarðinn, fyrir nesið og til baka yfir Fróðárheiði og í náttstað. Stoppað verður á mörgum athyglisverðum stöðum. Komið til baka síðdegis og upplagt að fara í sund í ölkeldulauginni á Lýsuhóli, sem er rétt hjá Kasti. Kl. 20:00 hefst afmæliskvöldverður Kvists, þríréttuð máltíð og kaffi.
Sunnudagur 18. september
Eftir morgunverð leggjum við af stað heimleiðis og ökum norðanvert eftir nesinu til Stykkishólms þar sem verður frjáls tími kl. 12:00-13:00. Síðan ökum við Skógarströndina og Laxárdalsheiði, fáum okkur eftirmiðdagskaffi á Blönduósi og komum heim til Akureyrar fyrir kvöldmat.