Kæru Kvistir. Í hvikulum heimi sóttvarna er ekki auðvelt að ákveða viðburði okkar. Stjórnin hefur þó ákveðið að boða til fundar utan dagskrár næsta þriðjudag 8. febrúar kl. 19 í Hyrnu.

Þetta gerir stjórnin vegna þess að langt er um liðið síðan við höfum fundað. Einnig að enn er ekki ljóst hvernig verður með fundinn þriðjudaginn 22. febrúar. Verður hægt að halda venjubundna samkomu á vegum Klakks þann 22 vegna gildandi fjöldatakmarkana? Áætlað var að við aðstoðuðum félagið við þann viðburð. Ef ekki reinum við því að Kvistur verði með venjulegan fund sem rúmast innan þeirra takmarkanna sem nú eru.

Varðandi fundinn á þriðjudag mun stjórnin sjá um undirbúning og framkvæmd. Veitingar verða í hófi en aðal efni fundarins er að kynna og fara yfir undirbúning og væntanlega þátttöku félaga í Kvisti í mótinu á Selfossi í vor. (Vinsamlega skoðið á heimasíðu mótsins. https://sites.google.com/view/nordic-baltic2022/nordic-baltic-2022.

Umsóknarfrestur rennur út þann 15 febrúar þannig að ekki er hægt að bíða eftir næsta reglulega fundi með þetta mál. Agnes sem er fulltrúi Kvists í undirbúningnum mun ásamt stjórninni fara yfir þessi mál öll á þriðjudag. Auk þessa munum við auðvitað hafa hitt og þetta smávegis á dagskránni.