Nk. miðvikudag 13. apríl  kl. 20:00 verður söngkvöld í Hlöðunni á Hömrum fyrir alla skáta, unga sem aldna. Við Kvistir höfum lofað að koma með nokkra brúsa af kakói og hvetjum því alla sem geta að taka með sér kakólögg.

Sunnudaginn 17. apríl kl. 16:00 verðum við með "varðeld" á dvalarheimilinu Lögmannshlíð. Þetta er eins og flestir vita liður í því að greiða fyrir notkun húsnæðisins þar sem við fundum. Varðeldurinn verður með sama sniði og í Hlíð fyrr í vetur. Snjólaug, Guðný, Steini og Hrefna verða með uppákomur og þá munum við syngja mikið. Við viljum hvetja þá Kvisti sem geta að mæta og blanda geði og syngja með gestum heimilisins. Reiknað er með að þetta taka allt að einni klukkustund.

Þá er það skátamessa fimmtudaginn 21. apríl (sumardaginn fyrsta) og verður hún í Akureyrarkirkju kl. 11:00. Skrúðganga fer frá nýja skátaheimilinu við Þórunnarstræti  klukkan rúmlega hálf ellefu. Ræðumaður verður góður skáti, Edward Huijbens. Þar mun skátakórinn okkar syngja og verður væntanlega æfing kvöldið áður.

Svo er auðvitað fundur hjá okkur þriðjudaginn 26. apríl. Þetta verður óvissufundur þar sem Hrefna er í framkvæmdaforsvari og Steini Pé stjórnar veitingnanefndinni.