Á sumardaginn fyrsta þann 23. apríl nk. verður skátamessa í Glerárkirkju. Hugvekju í messunni flytur Margrét Pála Ólafsdóttir, en hún er gamall skáti héðan frá Akureyri. Gítarhópur hefur verið með reglulegar æfingar undanfarið sem og hópur gildisskáta sem hefur æft söng. Vonum við að skátar ungir sem aldnir fjölmenni skátamessuna þar sem við fögnum sumarkomunni.
Eftir skátamessu á fimmtudaginn er öllum skátum, fjölskyldum þeirra og félögum í St. Georgsgildunum á Akureyri boðið upp á veitingar í hlöðunni að Hömrum. Í boði verður súpa og brauð og grillaðar pylsur.Veitingarnar eru í boði Hamra m.a. til að kvitta fyrir alla sjálfboðavinnuna á síðasta ári í tengslum við landsmótið.